II Open de pesca a spinning de Carnota

                “Campeonato de pesca entre Muros e Carnota”

                                                PROGRAMA

6.00 horas Quedada dos participantes: praza de San Gregorio (Carnota)

7.00 horas Inicio da competición

13.00 horas Finalización da competición

13.00 horas - 14.00horas Peso das capturas

14.15 horas Entrega dos premios no auditorio da Casa do Concello

                                                               ZONA DA COMPETICIÓN

A competición terá lugar entre Punta Uía (Concello de Muros) e O Pindo (Concello de Carnota) 

Prohíbese o exercicio da pesca na zona protexida de Mar de Lira (desde a piscifactoría de Stolmt Seafarm ata o inicio da praia de Carnota)

MANGAS

A competición celebrarase nunha única manga de 6 horas de duración.

POSTOS

Os participantes disporanse de maneira libre na zona de pesca gardando unha distancia mínima de 40 metros.

SEBOS

Só se permite o uso de reclamos artificiais, queda prohibido o uso de calquera tipo de fariñas, pastas, engodos, aromatizantes, esencias, aceites, colorantes, etc, naturais ou artificiais que se arroxen á auga coa finalidade de atraer os peixes.

                                                    ESPECIES OBXECTO DE PESCA

Serán válidas e por tanto puntuarán as pezas das seguintes especies:

- Dicentrarchus labrax (Robaliza)

- Pollachius pollachius (Abadexo)

- Belone belone (Agulla)

- Scomber scombrus (Xarda)

A medida mínima será a correspondente á normativa galega:

- Robaliza:   36cm

- Abadexo: 30 cm

- Agulla :    25 cm

- Xarda:     20 cm

Todo aquel participante que presente á pesada pezas inferiores en 2 cm de cada medida mínima será descualificado automaticamente. As pezas presentadas á pesada serán doadas a unha organización sen ánimo de lucro.

                                  SISTEMA DE PUNTUACIÓN

Outorgarase 1 punto por gramo no caso da robaliza e de 0,5 puntos por gramo para o resto das especies. A pesada comezará unha vez finalizada a manga e prolongarase durante 1 hora. A inscrición e participación no Open será gratuíta. As prazas están limitadas a 80 deportistas.

                                                                              Un saudo e participa!!